جۇرگىزىلگەن رەيدتىك شارالار بارىسىندا 17 كۇندە تابيعات قورعاۋ زاڭنامالارىن بۇزۋشىلىقتىڭ 76 دەرەگى بەلگىلى بولدى. ولاردىڭ ەكەۋى قىلمىستىق, قالعانى اكىمشىلىك قۇقىق بۇزۋشىلىق قاتارىنا جاتادى.
بەسىنشى قاراشا كۇنى پوليتسەيلەر تەلىكول كانالىنىڭ تۇسىندا شيەلى اۋدانى تۇرعىنى باسقارۋىنداعى «لادا» اۆتوكولىگىن توقتاتىپ, تەكسەرۋ بارىسىندا كولىكتىڭ جۇك سالعىشىنان رەزىڭكە قايىق, اككۋمۋلياتور, توق ۇرعىش قۇرال, قاپقا سالىنعان بالىق الىندى. ءتيىستى سوت-ساراپتاما تاعايىندالدى.
اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 335-بابىنىڭ 3-بولىگىمەن اۋداننىڭ ەكى تۇرعىنىنا قاتىستى سوتقا دەيىنگى تەرگەپ-تەكسەرۋ ارەكەتتەرى جۇرگىزىلىپ جاتىر.
